CSD აცხადებს მიღებას კრიზისის კომუნიკაციების ონლაინ სასწავლო კურსზე

სტრატეგიის და განვითარების ცენტრი (CSD) აცხადებს მიღებას კრიზისის კომუნიკაციების ონლაინ სასწავლო კურსზე. 

კურსის მიზანი: კრიზისის კომუნიკაციის სასერტიფიკატო ონლაინ კურსის მიზანია, თეორიული ცოდნისა და საერთაშორისო საუკეთესო პრაქტიკის გაცნობით, მსმენელებს აუმაღლოს ცნობიერება კრიზისის კომუნიკაციის შესახებ და დაეხმაროს მათ შესაბამისი უნარ-ჩვევების განვითარებაში, რაც კრიზისული ვითარების ეფექტიანად, დროულად და წარმატებით დაძლევაში დაეხმარება.

ვისთვის არის სასწავლო კურსი განკუთვნილი: სასწავლო კურსზე დარეგისტრირება შეუძლია ყველა დაინტერესებულ პირს. 

კურსის ღირებულება: კურსზე სწავლა უფასოა, ხოლო მისი წარმატებით დასრულების შემდეგ შესაბამისი სერტიფიკატის აღების ღირებულება შეადგენს 50 ლარს.

კურსის აღწერა: სასწავლო კურსი, 8 მოდულისგან (ვიდეო გაკვეთილი, საკითხავი მასალა და ტესტი) შედგება. კურსის დაწყება დარეგისტრირებულ მონაწილეებს შეეძლებათ რეგისტრაციის გავლის შემდეგ, 8 კვირის განმავლობაში და მისი მიმდინარეობისას, სამეცადინო საათებს ირჩევს თავად მომხმარებელი. მომდევნო მოდულზე გადასასვლელად კი საჭიროა თითოეული მოდულის თვითშეფასების ტესტის გავლა. 

კურსის შედეგები: კურსის წარმატებით გავლის შემდეგ მსმენელებს ექნებათ დეტალური თეორიული ცოდნა კრიზისამდე განსახორციელებელი აქტივობების შესახებ, კრიზისის დროს გასათვალისწინებელი ასპექტებისა და კრიზისის დასრულების შემდგომ დასაგეგმი ღონისძიებების შესახებ. ამასთან, ისინი შეიძენენ იმ უნარ-ჩვევებს, რაც მათ კრიზისის წარმატებით დაძლევაში დაეხმარება.

კურსზე დასაშვებად, დაინტერესებულმა პირებმა უნდა გაიარონ რეგისტრაცია პლატფორმაზე CSDAcademy.org.ge.

რეგისტრაცია შესაძლებელია 24 მარტიდან - 10 აპრილის ჩათვლით, ხოლო სწავლის დაწყება მონაწილეებს, რეგისტრაციის გავლის მომენტიდან შეეძლებათ.

დამატებითი კითხვების შემთვევაში გთხოვთ მოგვმართოთ შემდეგ ელ-ფოსტაზე: gcsd@gcsd.org.ge